Visa Infinite

Visa Infinite премиум-класстагы картасы – бул жөн гана төлөм каражаты эмес, бул ээсинин жогору макамын баса көрсөтүүнүн ыгы. Ал кайталангыс мүмкүнчүлүктөр дүйнөсүнүн каалгасын ачат жана премиум-картанын ээсин жаӊы деӊгээлге көтөрөт. Visa Infinite – бул эксклюзивдүү мүмкүнчүлүктөр дүйнөсүндөгү жашоо.

Жеке адамдар үчүн VISA Infinite төлөм карталарын чыгаруу жана тейлөө боюнча тарифтер

VISA

Карта накталай эмес эсептешүүлөрдүн эл аралык төлөм куралы болуп саналат, бул Карта Кармоочунун эсебинин валютасына карабастан, дүйнөнүн каалаган өлкөсүндө ал келген өлкөнүн валютасында, анын Карта Кармоочусуна операцияларды жүргүзүүгө мүмкүндүк берет.

VISA төлөм карталары боюнча тарифтери

Толугураак

Өз эрежелериң менен жашоо. Жаӊы эксклюзивдүү мүмкүнчүлүктөрдү ачуу. Ыңгайлуу учуу, бардык жерде кадырлуу конок болуу, өз сатып алууларыӊ жана өз акчаларыӊ үчүн санаа тартпоо.

Ушунун баары – сизге биздин Visa Infinite менен ачыла турган кеӊ дүйнө.

Атайын сиз үчүн тандалып алынган артыкчылыктар дүйнөсү.

Сиздин жашоо деӊгээлиӊиз мурдагыдан да жогору болуп калат!

 

Visa Infinite сыйлык карталарынын артыкчылыктары:

  • GDAS Кардарларды колдоонун глобалдык кызматы
  • Саякатчыларга эл аралык медициналык жана маалыматтык жардам
  • Жергиликтүү өнөктөштөрдөн жана бүткүл дүйнө боюнча өнөктөштөрдөн арзандатуулар жана башка сунуштар
  • Сатып алууларды коргоо
  • Узартылган кепилдик
  • Visa Luxury Hotel Program
  • »Манас» абапортунун VIP залында тыныгуу
  • Lounge Key залдарында тыныгуу
  • Саякаттар мезгилинде толук камсыздандыруу
  • Консэрж тейлөө кызматы. "Консэрж" – Сиз үчүн дүйнөнүн кайсы гана бурчунда болбосун аптанын 7 күнүндө 24 саат бою сизге керектүү тейлөө кызматын ээлеп жана ал үчүн төлөп коюу менен, толук маалымат бере турган жардам.

     

    Саякаттоо

    Адаттагы сапарлардан чарчап, жаңы, адаттан тыш, сезимдерде ээ болгуңуз келеби? Сиз жай эс алууну каалап жатасызбы же, тескерисинче, шарактаган жүрүштү каалап жатасызбы? Балким, бал айын же үй-бүлөлүк эс алууну каалап жатасыз? Биз сиздин эс алууңузга кам көрөбүз, кызыктуу багыттарды же өзгөчө маанилүү жайларды жана окуяларды сунуштайбыз, жеке иш-чараларды, экскурсияларды жана башкаларды уюштурабыз. Консьерж саякаттын ар кандай түрлөрү боюнча жакындан жардам берет - аба жана темир жол билеттерин издеп, сатып алууну, мейманкана ээлеп коюуну, которууларды, унааларды ижарага алууну жана башкаларды уюштурат.

     

    Бош убакытты пайдалануу

    Биз сиздин жаңыча эс алууңуздун ойдогудай болушуна аракет көрөбүз. Сиз үчүн яхта, тик учак, көңүл ачкан авто жана зуулдаган катер менен айланып келүүгө ижара маселесин да чечебиз. Сиз үчүн даамы таңдайда калган тамактары бар ашканалар, кызыктуу окуялар жана иш-чаралар кол жете тургандай шарттар бар.

     

    Бизнес тейлөө кызматтары

    Биз сиздин тапшырманы так жана убагында аткарабыз, иш, жолугушуу тууралуу дароо эскертип, ар кандай сүйлөшүүлөрдү уюштуруп, валюта курстары, негизги биржалык индекстер тууралуу маалыматтарды убагында маалымдап, жооптуу күнү ойготуп коюу камылгасын көрөбүз.

     

    Жолдогу жардам

    Жол журүүдө дагы консьерж жардам берет: унааларды оңдоону, бензинди жеткирүүнү же бөтөн жерди чабыттап таап барууну уюштурат.

     

    Үй-жайга жардам

    Сизди эс алуудан же жакындарыныз менен баарлашуудан алаксытып турган үй иштеринде консьераж жеңилди жерден, оорду колдон алат. Биз сантехника, электрик же слесарь, үй жыйнап, тазалоо, кир жуу, тамак-аш даярдоо иштеринин баарына бат жардам беребиз.

     

    Консьерж тейлөө кызматы менен +996(312)97-91-18 телефону, Rskconcierge@ployalty.com электрондук почтасы же (чат) Telegram: @KonciergeBot аркылуу байланышсаңыз болот.

Сиздин кызматыӊызда

Колдоо кызматы:

  • Телефон боюнча медициналык кеӊеш берүү
  • Дарыгерди чакыруу
  • Бара турган өлкөдөгү вакцинация жөнүндө маалымат
  • Жоголгон жана уурдалган карталарды бөгөттөө
  • Нак акчаны чукул берүү
  • Картаны чукул алмаштыруу (убактылуу карта 1-3 бизнес-күн ичинде дүйнөнүн каалаган бурчуна жеткирилет)

Барган жерге байыр алуу. Бүткүл дүйнө боюнча он миллиондогон соода түйүндөрү Visa Infinite картасын кабыл алышат. Сиз – сый, кадырлуу меймансыз.

Сиздин акчаларыӊыз дайыма колуңузда. Бүткүл дүйнө боюнча 2 миллион банкомат Visa Infiniteни кабыл алышат.

Карта ээлери үчүн «Арбын артыкчылыктар» программасынын 600дөн ашуун өнөктөштөрү үчүн атайын сунуштары.

Сатып алууларды коргоо. Visa Infinite жардамы менен сатып алууга акы төлөгөн учурдан тартып 90 күндө товар кокусунан зыянга учураган же уурдалган учурда сизге анын наркын төлөп беришет же алмаштырууну сунушташат. Сиз дүйнөнүн кайсыл гана бурчунда жүрбөӊүз, сиз кенемте алуу үчүн кайрыла аласыз. Сатып алуунун наркы – 100 доллардан баштап, жылдык максималдуу жабуу – 20 000 доллар. Visa Infinite аркылуу төлөӊүз – өз сатып алууларыӊызга ишеничте болуӊуз!

Узартылган кепилдик. Өндүрүүчү тарабынан көрсөтүлгөн кепилденген мөөнөткө кошумча, сиз дагы 24 ай тейленүүгө үмүт арта аласыз.

Жагымдуу саякаттар. Карта ээси аэропортто коштоону  25 % арзандатуу менен ээлей (брондой) алат. Speed Pass программасына бүткүл дүйнө боюнча 270тен ашуун аэропорт кошулган. Коштоо өзүнө аэропорттогу бардык формалдуу талаптардан ылдам өтүүнү, учуп келүүдө виза алууга жардам кылууну, өзүнчө коридорду жана трансферди уюштурууга жардамдашууну камтыйт.

Бүткүл дүйнө боюнча бизнес-залдарга кире алуу.  Visa Infinite картасын көрсөткөндө дүйнөнүн 450+ шаарларында 820дан ашуун  эс алуу жайлары (лаунж) сизге ачык болот. Визиттердин наркы сиздин эсептен автоматтык түрдө чыгарылып салынат.

Сиз камсыздандырылгансыз. Сиз сапардын жок дегенде 50 %ын Visa Infinite картасы менен төлөөр замат, сиз жана сиздин жакын туугандарыӊыз (5 адамга чейин) автоматтык түрдө толук камсыздандыруу аласыздар. Ага төмөнкүлөр кирет:

  • Медициналык кызмат көрсөтүүлөрдүн ордун толтуруу
  • Медициналык жардам көрсөтүү, коопсуз жайга көчүрүү (эвакуация) жана мекенине кайтаруу (репатриация) менен байланышкан чыгашалардын ордун толтуруу
  • Кырсык болгон учурлар
  • Спорт менен машыгуу учурунда алган травмалар (дайвингди, тоо чаӊгысын жана сноубордду кошо алуу менен)
  • Үчүнчү жактардын алдындагы жоопкерчилик
  • Сапарды кийинкиге калтыруунун же анын баштапкы мерчемин өзгөртүүнүн наркынын ордун толтуруу
  • Нак каражаттарды, жүктү жоготуу
  • Каттамдын кармалуусу

 

Күнү-түнү колдоо кызматы (консьерж-тейлөө кызмат).  Visa Infinite карта ээлери (кызмат көрсөтүүлөргө анын жардамы менен акы төлөө шартында) дүйнөнүн каалаган бурчунда 24/7 шарттамында төмөнкүлөр өӊдүү кызмат көрсөтүүлөр жеткиликтүү:

  • авиабилеттерди брондоо
  • отелдерди ээлеп коюу (брондоо)
  • ресторандарда тамакка буюртма берүү
  • ижарага автомобилдер үчүн буюртма берүү
  • Иш-чараларга билеттерди сатып алуу
  • Сапарларды мерчемдөө
  • Жана башка жалпы суроо-талаптар

Эч кандай кезекиз. Сиз биздин артыкча укуктарга ээ кардарыбыз болосуз. Сизге кезекте туруунун жана кимдир бирөөнүн колу бошоосун күтүүнүн кереги жок.

Ар дайым байланышта. Биз ар дайым сиздин жаныӊыздабыз жана сизге жардам берүүгөдаярбыз.

Биздин Visa Infinite картабызга ээ болгон РСК Банктын кардарлары үчүн атайын шарттар:

  • Калдыкка сом менен 5%, доллар менен1% кошуп эсептөө;

  • 500 000 сомго чейинки кредиттик лимит+45 кун мезгил аралыгындагы жеңилдик (грейс);

  • Байланыш борборунун жетекчисине же адисине чалуу аркылуу карта боюнча лимиттерди көбөйтүү;

  • Персоналдык менеджер;

  • «Манас» эл аралык аэропортунун VIP-залына жылына 4 жолуга чейин акысыз кирүү;
  • Lounge Key программасы боюнча дүйнөнүн 850 аэропортундагы бизнес-залдарга жылына 6 жолуга чейин акысыз кирүү. Бул жылдагы кийинки кирүүлөрдүн наркы – 27 АКШ доллары;
  • Бир чакан сактоо уячасын акысыз ижаралоо;
  • Бишкек шаары боюнча акча каражаттарын акысыз жеткирүү,жылына 3 чыгууга чейин;
  • «Дисконттук клуб» программасынын алкагындагы эксклюзивдүү шарттар.

«РСК Банктан» Visa Infinite – чексиз артыкчлыктар дүйнөсү!

 

Урматтуу Visa Infinite карта ээлери!

1-июндан тартып Visa Infinite өнүмдөрүнө (продукт) кошо орнотулган камсыздандыруу программаларынын шарттары дурус болуп калды. Төмөндө негизги өзгөртүүлөр сыпатталган: 

  • Visa сыйлык картасы менен саякаттын 50 %ына акы төлөө зарылдыгы боюнча талап жөнөкөйлөштүрүлдү. Камсыздандыруу эрежелеринин жаӊы редакциясы же сапарга же жашоого акы төлөөнү караштырат;
  • Бардык өнүмдөр үчүн «Кеӊейтилген кепилдик» камсыздандыруу программасы алынып салынды;
  • Visa Infinite өнүмү үчүн каттамдын жана жүктүн кармалуусу боюнча шарттар жакшыртылды: 

 

Visa Infinite

Каттамдын кармалуусу (>4 саат)

$ 500

Жүктүн кармалуусу (>4 саат)

$ 500

  • Сатып алууларды коргоо программасынын алкагында төлөнбөй турган товарлардын тизмесинен уюлдук телефондор, зергер буюмдары жана электрондук шарттар алынып салынды, бирок мында төмөнкүлөр өзгөчөлүк иретинде кошумчаланды:
  • Уюлдук телефондордун жана электрондук түзүлүштөрдүн уурдалышы;
  • Модификациянын натыйжасында зыянга учураган предметтер;
  • Карта ээсинин аларды кол жүгүндө кармаган жана жеке көзөмөлү астында сактаган учурларды кошпогондо, жүктүн ичинде бар зергер буюмдарынын, фотоаппараттардын же видеожазуу үчүн жабдуунун уурдалышы же зыянга учуроосу;
  • Унаа каражатында кароосуз калтырылган предметтер.